ქართული ფილმების რეტროსპექტივა ბრუსელში

17-23 იანვარს, თანამედროვე ხელოვნების ცნობილი ცენტრი ბრიუსელში BOZAR ქართულ ფილმების რეტროსპექტივას უმასპინძლებს.   

ღონისძიება ფესტივალის BRIDGES. EAST OF WEST FEST ფარგლებში გაიმართება, სადაც ქართული კინო შემდეგი პროგრამით იქნება წარმოდგენილი:

• 18 იანვარი, 19:00 საათი – “როცა დედამიწა მსუბუქია”
• 19 იანვარი, 21:30 საათი – “საშიში დედა”
• 20 იანვარი, 21:30 საათი – “მძევლები”
• 21 იანვარი, 11:00 საათი – “ცისფერი მთები”
• 21 იანვარი, 20:00 საათი – “დედე”

აღსანიშნავია, რომ წარმოდგენილი ქართული ფილმების ავტორებთან  დამსწრე საზოგადოება კითხვა – პასუხის  (ე.წ. Q&A ) ფორმატში შეძლებს გასაუბრებას.

საქართველოს გარდა ფესტივალზე BRIDGES. EAST OF WEST FEST მონაწილეობს სომხეთი, აზერბაიჯანი, ბელორუსია, მოლდოვა და უკრაინა.

ეროვნული კინოცენტრი ფესტივალის ერთ-ერთი პარტნიორია.