“კინო სკოლაში” – საგაზაფხულო სეზონის დახურვა

მოსწავლე ახალგაზრდობის ეროვნულ სასახლეში პროექტის „კინო სკოლაში” საგაზაფხულო სეზონი საზეიმოდ დაიხურა. კონკურსში გამარჯვებული კინოსკოლელების დაჯილდოვებას ეროვნული კინოცენტრის წარმომადგენლები და ქართველი კინემატოგრაფისტები დაესწრნენ.

აღსანიშნავია, რომ დაჯილდოვების ცერემონიალზე მოხდა პროექტის ელჩის – მსახიობ თორნიკე გოგრიჭიანის წარდგენა, რომელიც აქტიურად ჩაერთვება პროექტში. წელს „კინო სკოლაში” ერთ-ერთი მხარდამჭერია კინოთეატრი „რუსთაველი”. სწორედ „რუსთაველში” გადაინაცვლეს კინოსკოლელებმა ღონისძიების დასრულების შემდეგ, სადაც ისინი ფილმის ჩვენებას დაესწრნენ.