პეკინიდან დაბრუნებული გამარჯვებული კინემატოგრაფისტების შეხვედრა კულტურისა და სპორტის მინისტრთან

საქართველოს კულტურისა და სპორტის მინისტრი მიხეილ გიორგაძე პეკინის კინოფესტივალიდან დაბრუნებულ გამარჯვებულ ქართველ კინემატოგრაფისტებს შეხვდა.

შეხვედრას ნატო მურვანიძე, ანა ურუშაძე, რამაზ იოსელიანი, ვლადიმერ კაჭარავა, მინდია ესაძე და ეროვნული კინოცენტრის წარმომადგენლები ესწრებოდნენ.

შეგახსენებთ, რომ 2 დღის წინ პეკინის კინოფესტივალზე ქართულმა კინომ ნამდვილი ტრიუმფი მოახდინა და 10 ჯილდოდან, 4 მთავარი პრიზი მოიპოვა.დაჯილდოვების ცერემონიალს 250 მილიონი მაყურებელი ადევნებდა თვალს.