თბილისის საერთაშორისო სტუდენტური კინოფესტივალის გამარჯვებულები ცნობილია

საქართველოს კულტურისა და ძეგლთა დაცვის სამინისტროს, თბილისის მერიისა და ეროვნული კინოცენტრის მხარდაჭერით, 31 მაისიდან 4 ივნისის ჩათვლით, საქართველოს შოთა რუსთაველის თეატრისა და კინოს სახელმწიფო უნივერსიტეტის ორგანიზებით თბილისის საერთაშორისო სტუდენტური კინოფესტივალი გაიმართა.

4 ივნისს, დაჯილდოების საზეიმო ცერემონიაზე თბილისის მერიის ბიგ ბენდის კონცერტის შემდეგ, ფესტივალის საერთაშორისო ჟიურის წევრებმა გამარჯვებულები გამოავლინეს:

1. საუკეთესო ანიმაციური ფილმი: მარწყვის დღეები / სლოვაკეთი
2. საუკეთესო დოკუმენტური ფილმი: ტაიმორის შოუ / ისრაელი
3. საუკეთესო მხატვრული მოკლემეტრაჟიანი ფილმი: ბიზნესი / არგენტინა
4. ჟიურის პრიზი: ფანჯარა / იტალია

ასევე გაიცა სპეციალური დიპლომები იმ სპეციალობების მიხედვით, რომლებიც ისწავლება მსოფლიო კინოსკოლებში:

1. რეჟისურა: სართული X / გერმანია;       
2. ხმის რეჟისურა:  მახლობლად / პოლონეთი
3. ოპერატორის ნამუშევარი: დანაშაულებრივი მიზანი / ჩინეთი
4. მონტაჟი: თავშეყრის შემდეგ / ფინეთი; 
5. სცენარი: დონორი / საქართველო

2017 წლის ფესტივალის პროგრამაში იყო 19 ქვეყნის კინოსკოლის 38 ფილმი, მათ შორისაა : აშშ, გერმანია, არგენტინა, იტალია, ჩინეთი, საფრანგეთი, ფინეთი, პოლონეთი, პორტუგალია, რუსეთი, ესპანეთი, ბრაზილია, დიდი ბრიტანეთი, ისრაელი, რუმინეთი, სამხრეთ აფრიკა, სლოვაკეთი, ბელგია და საქართველო.

ფესტივალის ფარგლებში მოეწყო ჟიურის წევრების და მოწვეული სტუმრების მასტერკლასები, საკონკურსო კინოჩვენებები, ვლადიმერ სულაქველიძის გამოფენა „სკამები” და სხვა ღონისძიებები.