ოსკარზე საქართველოს კანდიდატი ფილმის გამოსავლენად სპეციალური კომისია შეიქმნა

ოსკარზე საქართველოს კანდიდატი ფილმის გამოსავლენად ეროვნულმა კინოცენტრმა სპეციალური კომისია შექმნა.

კომისია 9 წევრისგან შედგება:

1. მერაბ კოკოჩაშვილი – რეჟისორი

2. დიმიტრი მამულია – რეჟისორი

3. გივი-ბესიკ ოდიშარია – სცენარისტი

4. ლომერ ახვლედიანი – ოპერატორი

5. ია შუღლიაშვილი – მსახიობი

6. კახა კანდელაკი – საქართველოს განათლების, მეცნიერების, კულტურისა და სპორტის სამინისტროს წარმომადგენელი

7. ზურაბ მაღალაშვილი – ეროვნული კინოცენტრის დირექტორი

8. გოგი მიქელაძე – მხატვარი

9. ნინო მხეიძე – კინომცოდნე

რამდენიმე კვირის წინ ამერიკის კინოაკადემიამ ტრადიციულად თხოვნით მიმართა ეროვნულ კინოცენტრს შეერჩია 2018 წლის კანდიდატი ფილმი საქართველოდან ოსკარის ნომინაციისთვის – საუკეთესო უცხოენოვანი ფილმი.

24 ივლისს ეროვნულმა კინოცენტრმა განაცხადების მიღება დაიწყო, რომელიც 3 აგვისტოს დასრულდა. ამერიკის კინოაკადემიისა და ეროვნული კინოცენტრის მოთხოვნების გათვალისწინებით, სულ შემოვიდა 6 განაცხადი. შესაბამისად, ოსკარზე საქართველოს კანდიდატი ფილმის სტატუსის მოსაპოვებლად წელს შემდეგი 6 ქართული ფილმი იბრძოლებს:

• „ხიბულა” – რეჟისორი გიორგი ოვაშვილი
• „ნამე” – რეჟისორი ზაზა ხალვაში
• „ჰორიზონტი” – რეჟისორი თინათინ ყაჯრიშვილი
• „დედე” – რეჟისორი მარიამ ხაჭვანი
• „ექვთიმე ღვთისკაცი” – რეჟისორი ნიკოლოზ ხომასურიძე
• „ჰამლეტი” – რეჟისორი გიორგი მეგრელიშვილი

კომისიის წევრებისთვის შერჩეული ფილმების დახურული ჩვენებები 30 და 31 აგვისტოს გაიმართება, 31 აგვისტოს კი ფარული კენჭისყრის საფუძველზე გამარჯვებული ფილმი გამოვლინდება, რომელიც წელს საქართველოს კანდიდატი ფილმი გახდება ოსკარზე.