ცნობილია კომისია, რომელიც ოსკარზე საქართველოს კანდიდატ ფილმს გამოავლენს

ამერიკის კინოაკადემიის 2021 წლის საერთაშორისო სრულმეტრაჟიანი ფილმის ნომინაციისთვის საქართველოს კანდიდატ ფილმს სპეციალური კომისია გამოავლენს. კომისიის შემადგენლობაში არიან:

• ედმონდ აბაშიძე-მინაშვილი
• ოთარ ბუბაშვილი
• გოგი გვახარია
• ლაშა ბაქრაძე
• ნანა დოლიძე
• რამაზ ხოტივარი
• ალეკო ცაბაძე
• გიორგი შველიძე
• სალომე დემურია
• ია შუღლიაშვილი
• მაკო ჭილაშვილი
• ანა ჭყონია
• მარიამ ხაჭვანი
• ვაკო კირკიტაძე
• ლაშა ცქვიტინიძე

ამერიკის კინოაკადემიის 2021 წლის საერთაშორისო სრულმეტრაჟიანი ფილმის ნომინაციისთვის საქართველოს კანდიდატი ფილმის შერჩევა ეროვნულმა კინოცენტრმა 1 სექტემბერს დაიწყო. წარმოდგენილი მოთხოვნების დაკმაყოფილების შემთხვევაში, ქართველ კინემატოგრაფისტებს განაცხადის გაკეთება 30 სექტემბრის ჩათვლით შეეძლოთ.

ვადის ამოწურვის შემდეგ ცნობილი გახდა, რომ წელს ოსკარზე საქართველოს კანდიდატი ფილმის სტატუსის მოსაპოვებლად 3 ქართული ფილმი იბრძოლებს:

1. “დასაწყისი” – რეჟისორი დეა კულუმბეგაშვილი
2. “უარყოფითი რიცხვები” – რეჟისორი უტა ბერია
3. “ურსუსი” – რეჟისორი ოთარ შამათავა

კვალიფიციური ფილმების ნახვის შემდეგ, სპეციალური კომისია საქართველოს კანდიდატ ფილმს გამოვალენს ფარული კენჭისყრის საფუძველზე.