„ხიდი: ციურიხი – თბილისი“

1 ოქტომბერს ქალაქ ციურიხში გაიხსნება ქართული კულტურის ინტერდისციპლინარული ფესტივალი “ხიდი: ციურიხი-
თბილისი”. ფესტივალის ფარგლებში ეროვნული კინოცენტრის მხარდაჭერით “კინოპოდიუმში” (Kino Filmpodium) გაიმართება ქართველი ქალი რეჟისორების ფილმების რეტროსპექტივა.

პროგრამა:

1. „რობინზონიადა, ანუ ჩემი ინგლისელი პაპა” და “ატლანტი” (რეჟისორი ნანა ჯორჯაძე)
2. “ოქროს ძაფი”, “ვალსი პეჩორაზე” და “რამოდენიმე ინტერვიუ პირად საკითხებზე” (რეჟისორი ლანა ღოღობერიძე)
3. “გრძელი ნათელი დღეები” (რეჟისორი ნანა ექვთიმიშვილი)
4. “კრედიტის ლიმიტი” (რეჟისორი ნუცა ალექსი-მესხიშვილი)
5. “სხვისი სახლი” (რეჟისორი რუსუდან გლურჯიძე)
6. “დედე” (რეჟისორი მარიამ ხაჭვანი)
7. “დასაწყისი” (რეჟისორი დეა კულუმბეგაშვილი)
8. “ჰორიზონტი” (რეჟისორი თინათინ ყაჯრიშვილი)
9. “საშიში დედა” (რეჟისორი ანა ურუშაძე)

ფესტივალი მრავალფეროვანი პროგრამით წარდგება შვეიცარიელი პუბლიკის წინაშე. კინოს გარდა, პროგრამა მოიცავს ლიტერატურას, მუსიკას, არქიტექტურასა და ხელოვნებას.

“ხიდი: ციურიხი-თბილისი” მიზნად ისახავს ქართული თანამედროვე ხელოვნებისა და კულტურის გაცნობას, თანამშრომლობის ქსელის შექმნას და ორ ქვეყანას შორის კულტურული დიალოგის გაღრმავებას. ფესტივალის დამფუძნებელი და ხელმძღვანელია ასოციაცია „ქართული კულტურის პლატფორმის” პრეზიდენტი ელენე ჩეჩელაშვილი.