კონკურსი

„კანის 77-ე საერთაშორისო კინოფესტივალის კინობაზრობაზე ფილმის ჩვენების ხელშეწყობა სრულმეტრაჟიანი მხატვრული ფილმებისთვის“

საკონკურსო პირობები

1. კონკურსის მიზანი

       კონკურსის „კანის კინობაზრობაზე ფილმის ჩვენების ხელშეწყობა სრულმეტრაჟიანი მხატვრული ფილმებისთვის“ (შემდგომ - კონკურსი) მიზანია:

       ა) ქართული კინოს პოპულარიზაციის მხარდაჭერა საქართველოს საზღვრებს გარეთ; ბ) ფილმის გაქირავების ხელშეწყობა.

2. კონკურსის პირობები

1. სსიპ საქართველოს კინემატოგრაფიის ეროვნულ ცენტრში (შემდგომ - ეროვნული კინოცენტრი) საკონკურსო განაცხადი წარდგენილი უნდა იყოს პროდიუსერის მიერ, რომელიც შეიძლება იყოს როგორც ფიზიკური, ასევე იურიდიული პირი (შემდგომ - კონკურსანტი).

2. კონკურსანტს ეროვნული კინოცენტრის წინაშე არ უნდა ჰქონდეს შეუსრულებელი მნიშვნელოვანი ვალდებულება და არ უნდა იყოს რეგისტრირებული მოვალეთა რეესტრში.

3. კონკურსანტს ამ კონკურსში შეუძლია მხოლოდ ერთი ფილმის წარდგენა.

4. საკონკურსო ფილმი უნდა იყოს სრულმეტრაჟიანი მხატვრული ქართული პროდუქცია ან ქართულ-უცხოური ერთობლივი წარმოება მნიშვნელოვანი ქართული შემოქმედებითი ჩართულობით.

5. კონკურსანტი უნდა იყოს საკონკურსო ფილმთან დაკავშირებული საავტორო უფლების კანონიერი მფლობელი.

6. საკონკურსო ფილმს აუცილებლად უნდა ახლდეს ინგლისურენოვანი სუბტიტრები.

7. ამ კონკურსში წარდგენილი ფილმის პრემიერა არ უნდა იყოს გამართული 2023 წლის იანვრამდე და კინობაზრობებზე არ უნდა იყოს ნაჩვენები 2023 წლის დეკემბრამდე.

8. ამ კონკურსის ფარგლებში შეირჩევა არაუმეტეს ორი ფილმი კანის 77-ე საერთაშორისო კინოფესტივალის კინობაზრობაზე ერთჯერადი ჩვენების მიზნით, რასთან დაკავშირებულ ხარჯებსაც დააფინანსებს ეროვნული კინოცენტრი.

3. საკონკურსო დოკუმენტაციის წარდგენის წესი

1. კონკურსში მონაწილეობისათვის კონკურსანტმა უნდა წარმოადგინოს შემდეგი დოკუმენტები:

           1.1. ელექტრონული  განაცხადი  (ეროვნული  კინოცენტრის  მიერ  შემუშავებული ფორმით);

           1.2. ფილმი (ბმულის სახით; MP4 ფორმატში); 

           1.3. ფილმი DCP ფორმატში;

           1.4. ფილმის      ავტორთა      (პროდიუსერი;      რეჟისორი;      სცენარის      ავტორი) ბიოფილმოგრაფია და საკონტაქტო მონაცემები.

2. კონკურსანტს, ამ მუხლით განსაზღვრული დოკუმენტების არასრულყოფილად წარმოდგენისას, ხარვეზის აღმოსაფხვრელად განესაზღვრება 2 სამუშაო დღე, რომლის გამოუსწორებლობის  შემთხვევაში    წარმოდგენილი    დოკუმენტაცია განუხილველი რჩება.

4. კონკურსის ეტაპები და შეფასების წესი

1. ეროვნული კინოცენტრი კონკურსის ფარგლებში რეგისტრირებულ ინფორმაციას პროექტის შესახებ განიხილავს ეროვნული კინოცენტრის დირექტორის ბრძანებით შექმნილი კომისია.

2. ფილმის შერჩევის შესახებ საბოლოო გადაწყვეტილების მიღებამდე კომისია უფლებამოსილია გაესაუბროს კონკურსანტს ან/და მოსთხოვოს დამატებითი დოკუმენტაციის წარმოდგენა.

3. კომისია, ხმათა უბრალო უმრავლესობით, იღებს დადებით ან უარყოფითი გადაწყვეტილებას ფილმის შერჩევის შესახებ. ნებისმიერი გადაწყვეტილება უნდა დასაბუთდეს.

4. კომისიის მიერ მიღებული გადაწყვეტილების შესახებ კონკურსანტებს ეცნობებათ წერილობით.

5. კომისიის წევრები ვალდებულნი არიან, დაიცვან კონფიდენციალურობა და არ გაამჟღავნონ კონკურსის მიმდინარეობასთან  დაკავშირებული  ინფორმაცია კონკურსის შედეგების ოფიციალურ გამოქვეყნებამდე.

5. კონკურსის ვადები და შედეგების გამოქვეყნება

1. საკონკურსო პროექტები  მიიღება  ელექტრონულად,  2024  წლის  28  მარტიდან,  7 აპრილის ჩათვლით ეროვნულ კინოცენტრში, მისამართზე: თბილისი, სანაპიროს ქუჩა №4, მატერიალური სახით და ეროვნული კინოცენტრის ოფიციალურ ელექტრონულ ფოსტაზე  -  documents@gnfc.ge  ელექტრონული  დოკუმენტის  სახით,  ხელმოწერილი უფლებამოსილი პირის მიერ, არსებობის შემთხვევაში ორგანიზაციის ბეჭდით დამოწმებული და დასკანერებული.

2. კონკურსის შედეგები გამოქვეყნდება ეროვნული კინოცენტრის მიერ არაუგვიანეს 15 აპრილისა, რა დროსაც მიეთითება გამარჯვებული პროექტები.

კონკურსანტებმა შესაძლებელია გაიარონ კონსულტაცია, რომელიც ჩატარდება წინასწარი შეთანხმებით, ეროვნული კინოცენტრის ადმინისტრაციულ შენობაში ან სატელეფონო კონსულტაციის გზით:

მისამართი:

0105 თბილისი, სანაპიროს ქუჩა 4,

ტელეფონი: 2999 200; 2999 102;

საკონტაქტო პირები:

მანანა მელაძე (წარმოება და ფინანსები)

ტელეფონი: 577 40 75 39;

ელ. ფოსტა: m.meladze@gnfc.ge

გიორგი ჯანყარაშვილი (წარმოება და ტექნიკური საკითხები)

ტელეფონი: 511 137 251

ელ. ფოსტა: g.jankarashvili@gnfc.ge

ქეთევან ნოზაძე (წარმოება და ტექნიკური საკითხები)

ტელეფონი: 533 334 421

ელ. ფოსტა: k.nozadze@gnfc.ge

დავით ყურაშიძე (ტექნიკური საკითხები)

ტელეფონი: 599 07 56 60

ელ. ფოსტა: d.kurashidze@gnfc.ge