კინოსთან დაკავშირებული პროექტების დაფინანსება, ეროვნული კინოცენტრის ერთ-ერთი პრიორიტეტული მიმართულებაა. ვცდილობთ მაქსიმალურად დავეხმაროთ საქართველოს ტერიტორიაზე დაგეგმილ ყველა იმ შემეცნებით თუ საგანმანათლებლო წამოწყებას, რომელიც კინოს პოპულარიზაციას შეუწყობს ხელს - იქნება ეს გამოფენები თუ შემოქმედებითი საღამოები, კინოსთან დაკავშირებული კვლევები თუ მასტერკლასები, რეტროსპექტივები, კინოლიტერატურის გამოცემა თუ საერთაშორისო კინოფესტივალების ჩატარება.