4-7 ოქტომბერს პირველი „ქართული კინოს ფორუმი“ ბაკურიანში გაიმართა. ფორუმის მონაწილეებს საშუალება ჰქონდათ ენახათ ფილმები:

• „დედე”, რეჟისორი: მარიამ ხაჭვანი
• „ლუკა”, რეჟისორი:გია ბარაბაძე 
• „ხიბულა”, რეჟისორი: გიორგი ოვაშვილი
• „სავარძელი”, რეჟისორი: ელდარ შენგელაია
• „ნამე”, რეჟისორი: ზაზა ხალვაში
• „საშიში დედა”, რეჟისორი: ანა ურუშაძე
• „მზის ქალაქი”, რეჟისორი: რატი ონელი  

აღსანიშნავია, რომ ბაკურიანის კინოფორუმში მონაწილეობას იღებდა კანის კინოფესტივალის პროგრამის „კრიტიკოსთა კვირეულის” ხელმძღვანელი – შარლზ ტესონი, რომელიც საგანგებო ვიზიტით ჩამოვიდა საქართველოში. კანის ფესტივალის წარმომადგენელმა ფესტივალის გამორჩეული ფილმების პროგრამა შესთავაზა ფორუმის მონაწილეებს. გარდა ამისა, შარლზ ტესონმა გამართა საჯარო ლექცია და პრეზენტაცია ახალგაზრდა ქართველი კინოკრიტიკოსებისთვის.